XVII жарны “Сүрээр дарагч” хэмээх Гал морин жилийн сар шинийн 4-нд буюу 2026.02.21-ний өдөр Хэнтий аймгийн Улсын тэргүүний Дадал сумын Эрүүл мэндийн төвд сумын 3124 дэх, 3125 дахь иргэн болох 2 ихэр охин мэндэлжээ.
2026.03.03-нд буюу Шинийн 15-ны билэгт сайн өдөр морин цагт сумын Засаг дарга Ш.Мөнххуяг, Онон багийн Засаг дарга О.Дугар, Улсын бүртгэгч Х.Саранчимэг нар хүндэтгэл үзүүлэн очиж, Улсын бүртгэгч зөөврийн төхөөрөмжөөр төрөлт бүртгэж, төрсний гэрчилгээг тус тус гардуулав. Мөн сумын Засаг дарга 2 ихэр охин төрүүлсэн ээжид хүндэтгэл үзүүлэн гэр бүлд нь талархал хадгалуулж, 2 ихэр охинд Үндэсний өв соёл, уламжлалыг шингээсэн баривч оёулж, батламж гардуулав.
Эх үрийн эрүүл мэндийн төлөө эрдэм чадал, сэтгэл зүрхээ зориулан ажилласан сумын Эрүүл мэндийн төвийн хамт олонд гүн талархал илэрхийлэе.
