Монгол Улсын Ерөнхий сайдын ивээл дор уламжлал болгон зохион байгуулдаг "Иргэний андгай өргөх ёслол"-ын ажиллагааг Улсын бүртгэлийн хэлтэс, ГБХЗХГ-тай хамтран Бүгд Найрамдах Монгол улсаа тунхагласны түүхт 97 жилийн ойн өдрийг ёслол хүндэтгэлийн өргөөнд зохион байгууллаа. Ёслолын ажиллагаанд зочноор аймгийн ИТХ-ын дарга асан Д. Дашдорж, Боловсролын газрын дарга Б. Мөнхцэцэг, МЗХ-ны салбар зөвлөлийн тэргүүн Д. Эрдэнэбаатар, зохион байгуулагч ГБХЗХГ-ын дарга Б. Энх-Эрдэнэ, УБХэлтсийн иргэний бүртгэлийн тасгийн дарга Ш. Мөнхзул нар хүндэтгэл үзүүлж оролцов. 16 настнуудын төлөөлөл 23 залуус иргэний андгай өргөж батламж, иргэний үнэмлэхээ гардан авлаа.
