Хэнтий аймгийн Засаг даргын 2021-2024 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөнд тусгагдсан “Иргэдийн оролцоот хэтийн Хэнтий”, “Эд хөрөнгийн эрхийн улсын бүртгэлийн цогц үйлчилгээг сумдад хүргэхэд дэмжлэг үзүүлнэ” гэсэн зорилтын хүрээнд 2021 оны 10 дугаар сарын 20-22-ны өдрүүдэд “Эд хөрөнгийн эрхийн улсын бүртгэлийн цогц үйлчилгээ-нээлттэй газрын харилцаа орон нутагт” өдөрлөгийг Улсын бүртгэлийн хэлтэс нь Газрын харилцаа, барилга, хот байгуулалтын газартай хамтран Хэнтий аймгийн Норовлин, Дадал, Баян-Адрага суманд хэрэгжилтийг хангаж ажиллалаа.
Тус өдөрлөгөөр улсын бүртгэлийн чиглэлээр үзүүлж буй ажил, үйлчилгээг сурталчилж эд хөрөнгийн эрхийн улсын бүртгэлийн үйлчилгээг-102 иргэнд үзүүлж, өмчлөх эрхийн гэрчилгээг олгож , иргэний улсын бүртгэлийн үйлчилгээг-14 иргэнд , нийт 222 иргэнд бүртгэлийн болон газрын харилцааны талаар зөвлөгөө мэдээлэл өгч, төрийн үйлчилгээ авч буй 45 иргэнд E-Mоngolia цахим үйлчилгээний нэгдсэн системийн талаар мэдээлэл өгч 12 иргэнд аппликейшн суулгаж гарын авлага брошур тарааж ажилласан
Энэхүү арга хэмжээг зохион байгуулснаар сумдын иргэд аймгийн төвд ирэхгүйгээр бүртгэлийн үйлчилгээг орон нутагтаа авснаар эдийн засаг, цаг заваа хэмнэж цаашилбал иргэдийн өмчлөх эрхийг баталгаажуулж, өмчийг нь эдийн засгийн эргэлтэнд оруулах нөхцлийг бүрдүүлж, иргэдийн амьжиргааг дэмжсэн арга хэмжээ болж байна.
