Монгол Улсын Засгийн газрын 2021 оны 42 дугаар тогтоолоор баталсан “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-нд тусгагдсан 3 хувийн хүүтэй ажлын байрыг дэмжих зээл, ипотекийн зээлийг тус аймагт үйл ажиллагаа явуулж байгаа арилжааны банкаар дамжуулан олгож байгаатай холбогдуулан тус хэлтэс нь 2021 оны 05 дугаар сарын 01-ний байдлаар иргэн хуулийн этгээдийн банктай байгуулсан барьцааны /ипотек/ гэрээ болон гэрээний нэмэлт өөрчлөлтөөр 113 иргэн, хуулийн этгээдийн ХАС банкны 1,4 тэр бум төгрөг, Төрийн банкны 960 сая 700 мянган төгрөг, ХААН банкны 5 тэр бум 21,9 сая төгрөгийн барьцааны гэрээг тус тус эрхийн улсын бүртгэлд бүртгэсэн.
Мөн Ковид-19 халдварт өвчин тархахаас урьдчилан сэргийлж Улсын бүртгэлийн ажилтнууд болон иргэдээ эрсдэлээс хамгаалан халдвар хамгааллын дэглэм сахиж, бүх нийтийн бэлэн байдлын зэрэгт шилжиж, хөл хөрио тогтооход АОК, арилжааны банкуудтай зөвшилцөн орон нутгийн болон аймгийн төвийн иргэд өөрийн биеэр ирэх шаардлагагүйгээр ипотекийг бүртгүүлэх тухай мэдүүлгийг банкны ажилтнаар дамжуулан хүлээн авч бүртгэлийн үйлчилгээг хүргэн ажиллаж байна.
